Cynhadledd Ymarferwyr Diogelu Data Comisiynydd Gwybodaeth

Yn ddiweddar, siaradodd Dave Parsons, Rheolwr Cod WASPI, mewn cynhadledd nodedig, sef Cynhadledd Ymarferwyr Diogelu Data Comisiynydd Gwybodaeth, ar yr heriau a'r llwyddiannau sy'n gysylltiedig â rhannu data bob dydd.

Bob blwyddyn, mae Swyddfa'r Comisiynydd Gwybodaeth (ICO) yn cynnal y Cynhadledd Ymarferwyr Diogelu Data (DPPC), digwyddiad blaenllaw sy'n dod â gweithwyr proffesiynol diogelu data o bob sector ynghyd i rannu mewnwelediadau, arferion gorau, a thueddiadau sy'n dod i'r amlwg.

Cynhaliwyd #DPPC2025 eleni ar-lein ar 14 Hydref 2025 a dyma'r gynhadledd â'r nifer fwyaf o bobl a gynhaliwyd gan yr ICO erioed, gyda dros 6,500 o weithwyr proffesiynol yn ymuno o bob cwr o'r DU a thu hwnt.

Roedd yn anrhydedd cael fy ngwahodd gan y rheoleiddiwr i gymryd rhan fel panelwr yn un o sesiynau'r dydd, "Rhannu Data Bob Dydd," a gynhaliwyd gan yr ICO. Ymunais â thri gweithiwr proffesiynol arall ar gyfer yr hyn a brofodd i fod yn drafodaeth ddiddorol a oedd yn archwilio heriau rhannu data ond hefyd y modelau cymorth sydd ar gael i gefnogi ymarferwyr ledled y DU. Rhoddodd y sesiwn gyfle i Gymru amlygu ei llwyddiant yn y maes hwn drwy Gytundeb Rhannu Gwybodaeth Bersonol Cymru (WASPI) gydag enghreifftiau o sut mae'r fframwaith yng Nghymru wedi cefnogi meysydd gwaith drwy Wasanaethau Teulu Integredig yn ogystal â thrwy rannu data effeithiol yn ystod pandemig covid-19.